Malachi 4 Study Bible
Malachi 4
Study Bible
The Great Day of the Lord

כִּֽי־  הִנֵּ֤ה  הַיּוֹם֙  בָּ֔א  בֹּעֵ֖ר  כַּתַּנּ֑וּר  וְהָי֨וּ  כָל־  זֵדִ֜ים  וְכָל־  עֹשֵׂ֤ה  רִשְׁעָה֙  קַ֔שׁ  וְלִהַ֨ט  אֹתָ֜ם  הַיּ֣וֹם  הַבָּ֗א  אָמַר֙  יְהוָ֣ה  צְבָא֔וֹת  אֲשֶׁ֛ר  לֹא־  יַעֲזֹ֥ב  לָהֶ֖ם  שֹׁ֥רֶשׁ  וְעָנָֽף׃  וְזָרְחָ֨ה  לָכֶ֜ם  יִרְאֵ֤י  שְׁמִי֙  שֶׁ֣מֶשׁ  צְדָקָ֔ה  וּמַרְפֵּ֖א  בִּכְנָפֶ֑יהָ  וִֽיצָאתֶ֥ם  וּפִשְׁתֶּ֖ם  כְּעֶגְלֵ֥י  מַרְבֵּֽק׃  וְעַסּוֹתֶ֣ם  רְשָׁעִ֔ים  כִּֽי־  יִהְי֣וּ  אֵ֔פֶר  תַּ֖חַת  כַּפּ֣וֹת  רַגְלֵיכֶ֑ם  בַּיּוֹם֙  אֲשֶׁ֣ר  אֲנִ֣י  עֹשֶׂ֔ה  אָמַ֖ר  יְהוָ֥ה  צְבָאֽוֹת׃  פ 

זִכְר֕וּ  תּוֹרַ֖ת  מֹשֶׁ֣ה  עַבְדִּ֑י  אֲשֶׁר֩  צִוִּ֨יתִי  אוֹת֤וֹ  בְחֹרֵב֙  עַל־  כָּל־  יִשְׂרָאֵ֔ל  חֻקִּ֖ים  וּמִשְׁפָּטִֽים׃ 

הִנֵּ֤ה  אָֽנֹכִי֙  שֹׁלֵ֣חַ  לָכֶ֔ם  אֵ֖ת  אֵלִיָּ֣ה  הַנָּבִ֑יא  לִפְנֵ֗י  בּ֚וֹא  י֣וֹם  יְהוָ֔ה  הַגָּד֖וֹל  וְהַנּוֹרָֽא׃  וְהֵשִׁ֤יב  לֵב־  אָבוֹת֙  עַל־  בָּנִ֔ים  וְלֵ֥ב  בָּנִ֖ים  עַל־  אֲבוֹתָ֑ם  פֶּן־  אָב֕וֹא  וְהִכֵּיתִ֥י  אֶת־  הָאָ֖רֶץ  חֵֽרֶם׃ 

Study Bible © 2011 - 2013 by Biblos.com in cooperation with Helps Ministries. For comparative study, where possible, chapter and verse numbers on Biblos.com sites are mapped to the traditional convention used by the KJV, NASB, NIV and others. Section Headings Courtesy INT Bible © 2012, Used by Permission

Bible Hub

Malachi 3
Top of Page
Top of Page