T'hilim 140
Psalm 140 WLC
1למנצח מזמור לדוד׃ חלצני יהוה מאדם רע מאיש חמסים תנצרני׃

2אשר חשבו רעות בלב כל־יום יגורו מלחמות׃

3שננו לשונם כמו־נחש חמת עכשוב תחת שפתימו סלה׃

4שמרני יהוה ׀ מידי רשע מאיש חמסים תנצרני אשר חשבו לדחות פעמי׃

5טמנו־גאים ׀ פח לי וחבלים פרשו רשת ליד־מעגל מקשים שתו־לי סלה׃

6אמרתי ליהוה אלי אתה האזינה יהוה קול תחנוני׃

7יהוה אדני עז ישועתי סכתה לראשי ביום נשק׃

8אל־תתן יהוה מאויי רשע זממו אל־תפק ירומו סלה׃

9ראש מסבי עמל שפתימו [יכסומו כ] (יכסמו ׃ ק)

10[ימיטו כ] (ימוטו ק) עליהם גחלים באש יפלם במהמרות בל־יקומו׃

11איש לשון בל־יכון בארץ איש־חמס רע יצודנו למדחפת׃

12[ידעת כ] (ידעתי ק) כי־יעשה יהוה דין עני משפט אבינים׃

13אך צדיקים יודו לשמך ישבו ישרים את־פניך׃

Hebrew OT: WLC (Consonants Only)

For comparative study, where possible, chapter and verse numbers on Biblos.com sites are mapped to the traditional convention used by the KJV, NASB, NIV and others.

Bible Hub
Psalm 139
Top of Page
Top of Page