Psalm 16 BHS 1מכתם לדוד שמרני אל כי־חסיתי בך׃ 2אמרת ליהוה אדני אתה טובתי בל־עליך׃ 3לקדושים אשר־בארץ המה ואדירי כל־חפצי־בם׃ 4ירבו עצבותם אחר מהרו בל־אסיך נסכיהם מדם ובל־אשא את־שמותם על־שפתי׃ 5יהוה מנת־חלקי וכוסי אתה תומיך גורלי׃ 6חבלים נפלו־לי בנעמים אף־נחלת שפרה עלי׃ 7אברך את־יהוה אשר יעצני אף־לילות יסרוני כליותי׃ 8שויתי יהוה לנגדי תמיד כי מימיני בל־אמוט׃ 9לכן שמח לבי ויגל כבודי אף־בשרי ישכן לבטח׃ 10כי לא־תעזב נפשי לשאול לא־תתן חסידך לראות שחת׃* 11תודיעני* ארח חיים שבע שמחות את־פניך נעמות בימינך נצח׃ Hebrew OT: BHS (Consonants Only) The text has been made available for scholarly, non-commercial applications. Please see the complete user declaration. For comparative study, where possible, chapter and verse numbers on Bible Hub sites are mapped to the traditional convention used by the KJV, NASB, NIV and others. Bible Hub |
    |